معلوماتي حول الحشرات والحيوانات عموماً تقول انها تنام ليلاً كي ترتاح من عناء التعب طوال اليوم في مضايقة البني آدم،الا هالنمل اللي اول مرة اشوفه في حياتي بتبلش سهرته من الساعة 12 ليلاً حتى الصباح،ومشكلتي اني بكره اي شيئ بمشي على اربع ارجل،وخصوصاً النمل،لاني بحس بقشعريرة منو،مش خوف ،شعور تاني مش عارف شو هو،الله اعلم.

والمشكلة الاكبر انو اعدادها كانت بالمئات واللي في الصورة هو جزء بسيط جدا منها،ولاني عصبي ولعت معي بسرعة،فرحت سخنت ماء وجبت (المكنسة) وبلشت اقتل فيهم وبلا رحمة،ولو كان في عندي بنزين او كاز كنت ولعت فيهم وفي حالي،علشان ارتاح من هالشغلات المتعبة نفسياً،متعبة نفسيا لانو هاي الشغلة صارلها ثلاث ايام،ومع القتل والماء الساخن وما نفع،في فتحه في اعلى الباب (الخشب المثبت على الجدار) وانا اول مرة بشوفها واول مرة بيمر علي موقف متل هيك،وفي متل هيك مواقف ولانو في خطر على المطبخ لازم اكون حازم وشديد مع هيك اشكال،وبحمد الله،قمت بالقضاء عليها وباغراقها بالماء الساخن على امل انو ما يكون في غيرها،واذا كان في غيرها،رح تلاقو بكرة ورقة نعي وعزاء،لاني رح اكون انجلطت منهم.

• اليوم عندي Quiz برمجة ++C ، دعواتكم.

تحديث :نتيجة الامتحان 8/10 وللاسف الخطا كان بسيط جدا (ناسي اقواس) ومش مستاهل خصم علامتين عليه.الحمد لله

---

Posted in: Personal | Tags: ants, Fadfada, حشرات, حياة, نمل